333 पटक पढिएको
बाजुरा: बडिमालिका नगर स्तरिय राष्ट्रपति रनिङ शिल्ड प्रतियोगीता आजदेखि सुरु भएको छ । राष्ट्रका लागि खेलकुद, स्वास्थ्यका लागि खेलकुद, बिद्याथीको सर्वङगीण विकासका लागि खेलकुद भन्ने मुल नाराका साथ नगर स्तरिय चौथो राष्ट्रपति रनिङ शिल्ड प्रतियोगीता शुरु भएको हो ।जिल्ला सदरमुकाम मार्तडीमा रहेको मालीका माध्यामिक विद्यालयमा एक औपचारिक कार्यक्रमका विच शुरु भएको नगर खेल संयोजक राजेश पायले बताउनु भयो ।
बडिमालिका नगरपलिकाको आयोजना र बडिमालिका नगर स्तरिय खेलकुद विकास समितिको आर्थिक सहयोगमा चौथो नगर स्तरिय राष्ट्रपति रनिङ शिल्ड प्रतियोगीता शुरु भएको संयोजक पायलले जानकारी दिनुभयो ।प्रतियोगितामा नगरपालिका भित्र रहेका सामुदायिक विद्यालय र निजी विद्यालय गरी ११ वटा बिद्यालयहरु सहभागी भएका छन् । खेल क्षेत्रको बिकासका लागी सबै क्षेत्रबाट सबैले एक भएर लाग्नुपर्ने कार्यक्रका वक्ताहरुले बताएका छन् ।बडिमालिका नगर स्तरिय खेलकुद विकास समितिका संयोजक राजेश पायल विकको अध्यक्षतामा सञ्चादन भएको कार्यक्रमका प्रमुख अथिति सुदूरपश्चिम प्रदेश सभा सदस्य माननिय पदम बहादुर शाही रहेका थिए ।
त्यसै गरि विशिष्ट अथिति बडिमालिका नगरपालिका नगर प्रमुख अमर बहादुर खड्का रहेका थिए भने अथितिमा नगर उपप्रमुख नन्दा थापा, प्रमुख जिल्ला अधिकारी भिमकान्त पौडेल, जिल्ला खेलकुद समिति अध्यक्ष राकेश थापा, बडिमालिका ८ का वडा अध्यक्ष चन्द्र थापा, ५ का अध्यक्ष धर्मपाल मिजार, सशस्त्र प्रहरी प्रमुख शंकरदत्त तिवारी, विभिन्न बिद्यालयका शिक्षक, बिद्याथी लगायतको उपस्थिति रहेको थियो ।मालिका माध्यमिक बिद्यालयका प्राचार्य शुभराज तिमिल्सिनाले स्वागत मन्तव्य राखेको कार्यक्रमको सञ्चालन बडिमालिका शिक्षा युवा तथा खेलकुद शाखाका प्रतिनिधी राम बहादुर कटुवालकले गर्नुभएको थियो ।
